Обожавателите на рок бендот The Killers (превод: Убиците) на крајот на 2023 година може да се радуваат на новиот албум „Rebel Diamond“. Албумот излегува на 8 декември 2023 и е компилација од најголемите хитови (Greatest Hits). Покрај најголемите хитови на компилацијата ќе бидат издадени и песни што до сега не биле дел од студиско издание.
Албумот „Rebel Diamonds“ е втора компилација на групата. Својата прва компилација „Direct Hits“ The Killers ја издадоа во 2013 година. Песните на изданието се подредени по хронолошки редослед. Првите четири песни се дел од првиот албум „Hot Fuss“. По ова следат две песни од албумот „Sam’s Town“, три од „Day & Age“, две песни од албумот „Battle Born“, една песна од „Wonderful Wonderful“, три песни од „Imploding the Mirage“ и две песни од поселдниот албум на The Killers „Pressure Machine“. Покрај ова на изданието има три сингла кои групата ги издаде во 2022 и 2023 година.
Помалку невообичаено The Killers новиот албум го најавија со трејлер. Видеото може да го погледнете подолу.
Дел од новиот албум на The Killers се два сингла што беа објавени оваа година (2023) „Your Side of Town“ и „Spirit“. Иако вториот сингл има изведби во живо сѐ уште официјално не бил дел од музичко издание.
Покрај ЦД и винилно издание, она што е интересно за најголемите фанови на The Killers, е дека се планира издавање и на своевидно „луксузно“ винил издание. Претпродажбата на албумот е веќе започната.
1 – Jenny Was a Friend of Mine
2 – Mr. Brightside
3 – All These Things That I’ve Done
4 – Somebody Told Me
5 – When You Were Young
6 – Read My Mind
7 – Human
8 – Spaceman
9 – A Dustland Fairytale
10 – Be Still
11 – Runaways
12 – The Man
13 – Caution
14 – My Own Soul’s Warning
15 – Dying Breed
16 – Pressure Machine
17 – Quiet Town
18 – Boy
19 – Your Side of Town
20 – Spirit
Концертна турнеја во 2024
Покрај новиот албум, The Killers на 1 декември 2023 ја најавија и турнејата. Групата за 2024 година најави турнеја во Обединетото Кралство и Ирска. Турнејата на The Killers ќе биде своевидно одбележување на нивната 20 годишна работа.
Концертите започнуваат на 14 јуни 2024 во 3Arena во Даблин, Ирска. По ова, на 18 јуни 2024 турнејата продолжува во Манчестер, Англија, а на 25 јуни 2024 The Killers ќе бидат гости во Глазгов, Шкотска. Турнејата продолжува во 4 јули 2024 година, со 3 концерти во O2 во Лондон.
Билетите за турнејата ќе бидат издадени истовремено со новиот албум, па продажбата и за нив започнува на 8 декември 2024.
