Еден од најавтентичните нови српски музички бендови во последните неколку години Alice in Wonderband (AIW) и музичката група CISI промовираат нова песна. „Ко пева зло не мисли“ (Кој пее, зло не мисли) е соработка помеѓу Alice in WonderBand и полското дуо CISI што ќе излезе во среда, 22 мај 2024 година, 13:00 EST / 13:00 CEST / 23 мај 2024 година, 3:00 AM NSW.
Коренот на мелодијата на „Ко пева зло не мисли“ е еврејски, но Alice in WonderBand и CISI ја направија своја. Музиката на бендот лесно се препознава, бидејќи го користи телото како перкусии. Песната хармонично ја пеат Ана Врбашки и Јулија Левандовска (Julia Lewandowska). Марко Дињашки е перкусионистот кој го користи секој дел од своето тело за да создаде фантастичен, уникатен звук. Лукаш Малок (Łukasz Malok) е композитор и аранжер на песната.
Песната е одличен микс од звучните истражувања на Łukasz, а гласовите на Ана и Јулија го поддржуваат ритамот. Седум-осминскиот балкански ритам на Марко ја зачинува песната, постигнувајќи го она што може да го направи една заедничка соработка: танцувачко-сонувачка мелодија.
„Еврејската мелодична тема стана основа за српската поговорка „Ко пева зло не мисли“ (Кој пее, зло не мисли), која беше комплетирана со имагинарното продолжение на полски јазик „a kto tańczy, prawie do nieba szedł“ (а оној што танцува оди во рајот)“.
Од веб страницара на Alice in Wonderband.
„Ко пева зло не мисли“ има и возбудлив видео запис. Не сум сигурен дали тоа била нивната намера, но спотот ме потсети дека сè уште сме дел од природата, дури и во оваа дигитална ера. Ни треба човечка блискост; понекогаш, сите мора да се глупираме и да танцуваме, како никој да не нѐ гледа. Сестраната Јулија Левандовска го монтираше и режираше видеото за песната.
Каде Alice in Wonderband и CISI ќе ја испеат “Ко пева зло не мисли”?
CISI и Alice in Wonderband го најавија својот концерт што ќе се одржи на 1 јуни 2024 година во Краков во Przestrzeń Ruchu i Tańca Kontakt. Ова може да биде единствената прилика да ги слушнете двата бенда заедно, па ако сте во близина на Краков, не пропуштајте ги.
За Alice in Wonderband
Alice in Wonderband е неуморно дуо составено од Ана Врбашки и Марко Дињашки. Нивниот необичен музички стил ја спојува светската музика со телесни перкусии и одличен ритам. Нивната музика ги спојува танцот, движењето на телото и природата во уникатно уметничко искуство.
Alice in Wonderband храбро вградува нови звуци во својата музика. Нивната последна соработка „Ко пева зло не мисли“ докажува дека споделената музика е подобра. Членовите на Alice in Wonderband се организатори на „Нов балкански ритам“, кој се одржува во Сремски Карловци.
За CISI
Јулија Левандовска и Лукаш Малок се попознати како CISI (профил на Spotify). Полскиот етно-џез бенд е исто толку нестрплив за експериментирање како и Alice in Wonderband. Ритамот и инструментите на музичарите со кои соработуваат го комплетираат нивниот звук.
