Црногорскиот проект Vibin wit DJ Mono (се чита: Вајбин вит Диџеј Моно) го претстави својот прв сингл АНЕМОИ (ANEMOI). Издавач на синглот е Beats per Montenegro.
„Станува збор за хардкор рап песна која го слави женскиот глас. За прв пат во Црна Гора четири раперки се собрани на иста трака. Френетичниот бас и едектната испорака на текстот е карактеристична за овој сингл додека се реализира јасно изразената потреба да се удри со тупаница на масата, и да се обработат за жал постојано актуелни теми од кои страда денешницата.“
велат од Beats per Montenegro
АНЕМОИ е соработка на повеќе жени и девојки раперки со тимот од Knowhere2run. Вокалите и текстот се на Џулија Перишиќ (Đjulija Perišić), Сара Кургаш (Sara Kurgaš), Снежана Никчевиќ (Snežana Nikčević), Бојана Петровиќ (Bojana Petrović), Марија Божовиќ (Marija Božović), и Никола Рајовиќ (Nikola Rajović).
„Со асистенцијата на Марије Божовиќ на рефренот, добивме колаборација од повеќе генерации на црногорската рап школа, така Labia (честа соработничка на Who See) и Apro разменуваа рими со сè поприсутните претставници на најновата генерација кои доаѓаат со имињата: Јутро и Кургашијан.“
Музиката за песната ја напишаа Тодор Тадиќ (Todor Tadić) и Никола Рајовиќ (Nikola Rajović), а на аранжманот соработуваа со Марко Чачиќ (Marko Ćaćić). Аудио записот е снимен во Knowhere2run и Verandabeatz. Аудио-миксот и мастерингот се на Knowhere2run.
ANEMONI има и супер интересен видео запис изработен од Atomic production, во режија на Иван Чојбашиќ (Ivan Čojbašić).
