Металците ширум светот се радуваат. Долгоочекуваниот албум „The Mandrake Project“ (Проектот Мандрак) на Брус Дикинсон од Iron Maiden (се чита Ајронмејден) излезе денес (01.03.2024). „The Mandrake Project“ е првиот голем рок или метал албум за месец март. Уште поважно, овој албум е првиот албум кој Брус Дикинсон го има издадено од 2005 година. На текстовите на песните од овој албум Дикинсон соработуваше со Рој Зи, а само продукцијата за албумот траеше речиси 5 години.
Веќе ги слушнавме првите две песни кои Брус Дикенсон ги избра за синглови од албумот „The Mandrake Project“. „Afterglow of Ragnarok“ беше објавен на 30 ноември, а вториот сингл „Rain on the Graves“ беше објавен на 25 јануари.
На создавањето на албумот „The Mandrake Project“ работеа неколку сериозно талентирани музичари. Рој Зи се огласи на бас и гитара, додека Дејв Морено свиреше тапани. Mistheria создаде магија со клавијатурите, Крис Деклерк свиреше соло на „Rain on the Graves“, а волшебникот на дрвени дувачки инструменрти Серхио Куадрос беше дел од „Eternity Has Failed“.
Ова е седмиот студиски албум на Брус Дикинсон. Брус како и обично ја презеде улогата на главен вокал, а свиреше и бонго тапани, гитара, клавијатури и перкусии. Албумот е продуциран од Рој З.
Песните од албумот „The Mandrake Project“ на Брус Дикинсон
? Afterglow of Ragnarok
? Many Doors to Hell
? Rain on the Graves
? Resurrection Men
? Fingers in the Wounds
? Eternity Has Failed
? Mistress of Mercy
? Face in the Mirror
? Shadow of the Gods
? Sonata (Immortal Beloved)
ако претпочитате CD или Винил
( Купи тука )
Легендата на Iron Maiden го објави својот последен албум „Tyranny of Souls“ пред 19 години. Ова за него е најголема пауза меѓу албуми од почетокот на неговата соло кариера. Се надеваме дека нема да чекаме уште цела вечност за следниот албум на Брус Дикинсон.
„The Mandrake Project“ на Spotify
Албумот е достапен на сите популарни платформи од YouTube до Apple Music, а го има и на Spotify.
Дали Брус Дикинсон ќе настапува во живо во 2024 година?
Секако! Подгответе се за претстојното лето бидејќи Брус Дикинсон ќе настапи на сцените на некои од музичките фестивали низ Европа, а ќе настапи и во САД, Мексико и Бразил. Турнејата во 2024 година треба да започне на 15 април од САД во Опсерваторијата во округот Оринџ (купи карта), а треба да заврши во Атина, Грција на 21 јули на Release Athens 2024 Festival.
Подолу се дадени некои од датумите на музичките фестивали во Европа. За незаборавно искуство, заокружете си ги следните датуми во вашиот календар:
- Mystic Festival во Гдањск, Полска, од 5 до 8 мај
- Вечер со Брус Дикинсон во Глазгов, Шкотска, на 18 мај
- Summerside Festival во Гренхен, Швајцарија, на 22 јуни
- Hellfest во Франција од 27 до 30 јуни
- Rockharz Festival во Германија од 3 до 6 јули
- Release Athens 2024 festival во Грција на 21 јули
За сите планирани настапи во живо, проверете на веб-страницата: themandrakeproject.com.
