Фестивалот „Нова рок 2024“ (Nova Rock Festival) е рок фестивал што традиционално се одржува во Австрија секоја година од 2005 година. Фестивалот се одржува во јуни и се наоѓа во Градиште (Burgenland), најисточната сојузна држава Австрија, во близина на Никелсдорф и на границите на Унгарија и Словачка.
Со текот на годините, „Нова рок“ прерасна во еден од најголемите европски музички настани на отворено. Фестивалот привлекува повеќе од 50.000 обожаватели на музиката. Нуди интересна мешавина на рок, метал, панк, инди, па дури и поп музика од 90-тите. Една од традициите на фестивалот е „Late Night Acts“ кои создаваат атмосфера за забава. Во изминатите години, овој сегмент вклучуваше музичари како Scooter, Haddaway и Dr. Alban.
Одлична вест за сите кои планираат да го посетат фестивалот во 2024 година е дека организаторите додадоа уште еден, четврти ден на настанот. Ова секако значи дека фановите сега ќе имаат уште повеќе време за уживање во музиката и забавата. За сите кои веќе купиле билети без никаква доплата ќе добијат уште еден ден.
Заедно со дополнителниот ден дознавме и кој ќе настапува на четирите вечери, или барем кои ќе бидат главни ѕвезди. Фестивалот започнува на 13 јуни, четврток и ќе трае до 16 јуни недела.
Учесници на фестивалот “Нова рок 2024“
Четврток (13 јуни): Green Day, Billy Talent, Кори Тејлор (Corey Taylor), Jane’s Addiction, Mudvayne, Dogstar, The Interrupters, Asinhell, Gloryhammer, Silverstein, Hanabie и Hot Milk
Петок (14 јуни): Avenged Sevenfold, Otto & Die Friesenjungs, Parkway Drive, Machine Head, Pendulum, Aut Of Orda, Faaschtbankler, Thy Art Is Murder, Igorrr, Folkshilfe, Yaenniver, Feuerschwanz, Of Mice & Men, Neck Deep, Engst и Wargasm.
Сабота (15 јуни): Maneskin, Аврил Лавињ (Avril Lavigne), Алис Купер (Alice Cooper), Sum 41, Sportfreunde Stiller, Bodycount feat.Ice-T, Steel Panther, Saltatio Mortis, Granada, Against The Current, Kontrust, Leap и We Blame The Empire.
Недела (16 јуни): Bring Me The Horizon, Bad Omens, Dropkick Murphys, Babymetal, Biohazard, Beast In Black и Black Stone Cherry.
Ова се само првите имиња, а до јуни 2024 се очекуваат уште музичари и бендови, кои повторно ќе ги привлечат љубителите на музиката на фестивалот „Нова рок 2024“.
