Познатиот рапер од Шпанија ја објави својата нова песна „Volar sin alas“ (слободен превод: Летај без крилја). Новата песна на Морад (Morad) е дел од филмот „Mi soledad tiene alas“ (Мојата осаменост има крилја) што се очекува да биде објавен на 25 август 2023.
„Mi soledad tiene alas“ е филм што раскажува за група деца кои крадат накит се додека нешто не тргне наопаку и тие мора да се преселат во Мадрид.
„Летај без крилја“ е емотивна песна. Морад во песната пее за немирот во неговата глава, лошите моменти и неговата мајка.
Морад е шпански артист со потекло од Мароко кој е познат на младата публика низ Европа. Тој имал тешко детство. Неговиот татко го напуштил семејството уште кога Морад бил мал. Дел од неговото детство го поминал и во домот за деца без родители.
Неговите песни се класифицираат како афро, латино и рап музика. Тој има многу песни, соработки и албуми што имаат милионски прегледи. „Sigue“ е неговата најпозната песна што има повеќе од сто милиони преслушувања на популарните платформи за преслушување музика (streaming service).
