Минели (Minelli), романската музичка ѕвезда на глобални хитови чии песни се емотивни и песни за танцување, се подготвува за турнеја во Северна Америка во 2025 година. Минели треба да настапи во Северна Америка на почетокот на март 2025 година во Торонто, Чикаго, Њујорк и Мајами.
Таа е нестрплива да ги ангажира обожавателите ширум континентот со нејзината впечатлива енергија и добри вибрации. Во ова интервју, Минели ја изразува својата радост што првпат ќе настапува во САД и Канада и ќе промовира нова музика и изненадувања во соработките со други изведувачи.
Бидете со мене во ова интервју, во кое Минели зборува за почетокот на ова возбудливо ново поглавје во нејзината кариера!
П: Што ве инспирираше да се решите на турнеја во Северна Америка во 2025 година? Дали имаше одреден момент или интеракција со обожавателите што ве натера да кажете: „Треба да настапам таму“?
МИНЕЛИ: Здраво здраво! Добивам многу пораки од целиот свет, а posebno многу од САД и Канада. По толку многу турнеи низ Европа и Азија, добив желба конечно да ја поминам големата бара и да имам турнеја во Америка. Многу сум среќен што откривам нови места, нови култури, нови луѓе. Така, јас и мојот тим успеавме да го започнеме овој прв чекор на мала турнеја во Северна Америка. Сепак, со нетрпение очекувам да го направам тоа и во Јужна Америка. Едвај чекам да настапам.
П: Вашата турнеја ги опфаќа Торонто, Чикаго, Њујорк и Мајами. Сите градови имаат своја атмосфера. Дали ги приспособувате вашите изведби за овие места?
МИНЕЛИ: Па, тешко е да се каже бидејќи за мене е првпат да настапувам во САД и Канада, па затоа сум многу љубопитна да го почувствувам секој град. Имам специјално шоу за оваа турнеја и она што можам да ви кажам е дека ќе ја донесам сета енергија што ја имам и сите добри вибрации. Подготвена сум да ја оживеам сцената и да уживам во секоја секунда со луѓето.
П: Фановите се секогаш љубопитни – дали ќе има ексклузивни изненадувања на турнејата, како на пример нови песни или соработки што не сме ги виделе досега?
МИНЕЛИ: Ќе вметнам неколку нови песни за оваа турнеја и да, има некои претстојни соработки што сум многу возбуден да ги споделам со моите обожаватели. Сè што можам да кажам е дека некои големи меѓународни имиња се приклучија на моето ново патување и се чувствувам почестена што споделувам дела од мојата уметност со нив. Првиот дел од мојот нов албум ќе биде објавен на 28 март, но ќе изведам неколку нумери за време на оваа турнеја, па ќе видите и неколку ексклузиви. 😊
П: Вашата музика е универзално привлечна во која комбинирате романски и меѓународни влијанија од поп, денс и електронска музика. Дали црпите инспирација од северноамериканската култура за вашата музика и за оваа турнеја?
МИНЕЛИ: Па, иако сте слушнале многу електронски/денс нумери со мојот глас, морам да признаам дека музиката што најмногу ја сакам доаѓа од САД, како соул музиката (soul music), Аремби (R&B), џезот (Jazz). Јас сум сунгер за олдскул музиката (old-school music). Слушав различни уметници уште како дете како што се Френк Синатра (Frank Sinatra), Ела Фицџералд (Ella Fitzgerald), Арета Френклин (Aretha Franklin), Стинг (Sting), Шаде (Sade), Стиви Вондер (Stevie Wonder) и така натаму, можам да кажам дека музичкото влијание на САД ми е веќе под кожа и навистина се трудам суптилно да ги внесам овој тип на вибрации во сопствената музика.
П: Фановите сакаат да се поврзуваат со нивните омилени уметници и не надвор од музиката. Дали имате планови за средба и поздравување, предизвици на социјалните мрежи или други начини за интеракција со вашата северноамериканска публика?
МИНЕЛИ: Јас сум секогаш отворена да се сретнам со мојата публика, да споделам идеи, да ја слушам, па ако е можно на турнејата, тоа сигурно ќе го сторам. Размената на енергија и љубов отсекогаш ми помагала да растам и да создавам повеќе, па затоа сум заинтересирана за вакви работи.
П: Знаеме дека сакате да ги дрќите фановите во неизвесност. Дали има соработник од соништата или гостин кој би бил изненадување и би ви се придружил на некои од датумите на турнејата?
МИНЕЛИ: Ако ви кажам, не би било изненадување. 😊
П: Изгледа дека вашите настапи се забави на кои секој мора да дојде. Која е една работа што сакате да ја паметат фановите од вашите шоуа на оваа турнеја?
МИНЕЛИ: Да можев, биги погодила со стрелите на радоста и среќата, затоа што сакам да ја гледам публиката насмеана и да танцува секоја секунда од шоуто. Навистина сакам да ја почувствуваат мојата енергија, тоа е толку автентично и вистинито. Ќе бидам комплетно присутна на забавата исто како среќно дете кое го живее својот сон.
П: Што е следно за Минели по северноамериканската турнеја? Фановите треба да очекуваат нова музика, или барем уште една турнеја, или нешто сосема поинакво?
МИНЕЛИ: По американската турнеја продолжуваме во Европа и Азија на различни места, така што оваа турнеја е почеток на маратон, едноставно сакам да го гледам мојот распоред исполнет. Распоредот станува многу исполнет кога ќе дојде летото а јас сум подготвена да настапувам на фестивали оваа година во различни земји. Ќе има нова музика, нови соработки, различни жанрови и доаѓа нов албум. Бидете подготвени повторно да се нурнете во мојот свет преку мојата музика.
П: Која е вашата порака до северноамериканските фанови кои со нетрпение чекаат да ве видат во живо?
MINELLI: I can’t wait to meet you all, be ready to party like crazy, I’ll set my treadmill on fire these months to be able to sing and dance with you guys the whole show. Much love and can’t wait! All blessings! Minelli.
МИНЕЛИ: Едвај чекам да ве запознаам сите, бидете подготвени за луда забава. Овие месеци мојата лента за трчкање ќе биде експлоатирана до максимум за да можам да пеам и танцувам со вас целото шоу. Многу љубов и со нетрпение ги очекувам настапите! Бидете поздравени! Минели.
Им посакуваме на Минели и нејзиниот тим да си поминат најдобро до сега и им посакуваме успешна северноамериканска деби турнеја овој март (2025 година). Ви препорачуваме да се потсетите на хитовите на Минели како што се „Rampampam“, „MMM“, „Deep See“ и „All I Need“, а јас ќе ви препорачам една од моите омилени нејзини песни „Bug a Boo“ а особено музичкото видео (🔥). Нејзината музика е на сите популарни срвиси за преслушување музика (streaming music), вклучувајќи ги Spotify, Apple Music и YouTube Music.
Проверете го целосниот распоред на северноамериканската турнеја на Минели, ако сте во градовите во периодот во кој ќе настапува Минели, купете си билет, резервирајте го вашиот календар, не заборавајте да ја следите Минели на вашата омилена социјална мрежа (Фејсбук, Инстаграм, ТикТок) и бидете подготвени за забавата на Минели!
