Долгоочекуваниот албум на Раста, „3211“, конечно е објавен и достапен за љубителите на неговата музика. Албумот „3211“ создаде ерупција од возбуда меѓу обожавателите. Музичката целина именувана како „3211“ родено од времето на Раста во белградскиот затвор е доказ за огромната моќ на слободата. Седумте песни ги опфаќаат суровите емоции и бесценетата суштина на слободата.
Она што додава дополнителен слој на интрига е тоа што овие седум песни од албумот веќе предизвикуваа интерес и возбуда во филмот „3211“. Тој беше достапен во кината на Балканот два месеци пред официјалното објавување на албумот (16 ноември 2023).
Албумот на Раста, „3211“ е достапен на Јутуб каналот на Балкатон Генг (Balkaton Gang), но и на сите популарни платформи за преслушување (streaming) музика. Тоа им дозволува на фановите да се потопат во звучниот пејзаж на Раста.
Наративот за слободата, одекнувајќи низ секој акорд и лирика, дава жива слика за значењето на слободата во животот на Раста. За обожавателите кои со нетрпение го очекуваа албумот „3211“, тоа е повеќе од албум. Тоа е искуство, звучно патување низ височините и падовите на животот на Раста.
Видео спотовите на песните од албумот „3211“ на Раста се инсерти од филмот. Всушност самите видео спотови се наоѓаат во филмот. Несомнено е дека периодот во затвор на Раста оставил длабоки лузни во неговиот разум и душа. Сцените од филмот се обидуваат да ги доловат искуствата на Раста од тој период преку визуелниот формат наречен филм. Албумот ја раскажува истата приказна но преку аудио форматот.
Најпопуларната песна „Писмо“ од албумот „3211“ на Раста
Песната „Писмо“ како дел од албумот „3211“ на Раста брои најмногу прегледи до моментот на пишување на овој напис (28.11.2023). Придонес во популарноста на оваа песна е социјалната мрежа Тик Ток (Tik Tok). Дел од песната беше достапна на Тик Ток уште пред филмот да биде на репертоарот во балканските кина.
Голем број од луѓето кои го имаа слушнато исечокот од песната „Писмо“ беа воодушеви и со нетрпение ја исчекуваат целата песна. Можеби таа возбуда предизвика оваа песна да има најмногу прегледи и да се наоѓа на врвот на трендинг листата на Јутуб.
