Само неколку дена не делат од новиот сингл на Дина Јашари, „Не сум твој сон“. Пејачката ја најави песната на Instagram на 15 ноември 2023 со помалку мистериозна објава – „Кога нова песна?“.
Оттогаш дознавме дека новата песната ќе го има своето деби на 19 ноември, а насловот е „Не сум твој сон“. Заедно со ова може да слушнеме и неколку секунди од песната. Специфичниот вокал и стил на пеење на Дина лесно се препознава во овие неколку секунди музика. По објавата не недостасуваа реакции од обожавателите кои очигледно е дека песната ја очекуваат со нетрпение.
Ова е исклучително интензивен период за младата македонска поп ѕвезда. Пејачката учествуваше на неколку фестивали во регионот, а по се изгледа ова ќе продолжува и во иднина. Дина Јашари по најавеното објавувањето на „Не сум твој сон“, на 1 декември 2023 ќе патува во Белград, Србија за да учестува на фестивалот „Зумовање“. Фестивалот го одбележува седмиот роденден на интернет радиото „radioAparat“. Покрај Дина Јашари на фестивалот ќе настапуваат и Bad Daughter, Bohemia и тандемот Emma & Jimmy.
Дина Јашари е една од најпопуларните и несомнено најдобрите и најталентирани македонски пејачки во својата генерација. Таа е авторка, пејачка и продуцент, а нејзиниот музички стил е мешавина на поп, рок, соул и џез. Досега има издадено неколку синглови и едно проширено издание – „Дома“.
