Охридските рокери The Backdoor Band (се чита: бекдорбенд) го промовираа музичкото видео за нивниот нов сингл насловен како “Зајко“.
Песната е креирана пред десетина години како сатиричен и другарски опис на личноста што се спомнува во песната и неговиот “рокерски” начин на живот.
Автор на музиката е Лазе Фармакоски, текстот е на Влатко Митревски и Жарко Јакимоски, а аранжманот е на целиот бенд.
Задолжен за снимање на аудиото, аудиомиксот и мастерингот е Ивица Јанкуловски. Снимањето на песната е реализирано во студио „Алшар“.
Музичкото видео за песната „Зајко“ од The Backdoor Band е сниман на локации во Охрид, а го снимаше и обработи Бојан Симјаноски.
Голема благодарност од бендот изразија до сите учесници во реализација на овој проект.
