На 23 октомври 2023 почина Анџело Брусини (Angelo Bruschini) гитаристот на Massive Attack. Анџело боледуваше од рак на белите дробови. Веста за смртта на шеесетидвегодишниот гитарист ја потврди бендот.
RIP Angelo ?
— Massive Attack (@MassiveAttackUK) October 24, 2023
A singularly brilliant & eccentric talent. Impossible to quantify your contribution to the Massive Attack canon.
How lucky we were to share such a life together. pic.twitter.com/btSqYQnOoM
„Уништени!
Бевме толку среќни што споделувавме ваков живот заедно.
Толку брилијантен, ексцентричен талент.
Невозможно е да се измери твојот придонес.
Почивај во мир Анџело.“
Болеста на друштвените мрежи ја потврди сега веќе починатиот Анџело Брусини. Во објава на Facebook напиша:
„Два пати до сега специјалисти за рак на бели дробови во болницата ми кажаа – со среќа. Мислам дека сум заебан. Имав одличен живот, го видов светот многупати, се сретнав со многу прекрасни луѓе, но вратата се затвора, мислам дека ќе напишам книга.“
Брусини не е дел од основната постава на Massive Attack. Сепак од 1997 година и од снимањето на албумот Mezzanine Брусини е постојан гитарист на групата и во студио и за настапите во живо. Тој е роден 1960 година во Бристол, Велика Британија. Беше член на групите The Numbers, Rimshots, The Blue Aeroplanes. Од албумот Mezzanine е постојан член на Massive Attack.
Иако не е еден од основачите на групата без сомневање има големо влијание на еволуцијата на звукот на групата. Тој е дел од албумите „Mezzanine“ (1998), „100th Window“ (2003), и „Heligoland“ (2010). Дел од најголемите хитови на Massive Attack „Teardrop“, „Inertia Creeps“, „Butterfly Caught“ и „Paradise Circus“ се дел од овие албуми.
Покрај улогата на гитарист, Анџело Брусини е продуцент на албумот на Strangelove. Во 2003 година беше гостин на синглот „Blowing This Candle Out“ на Џејн Тејлор (Jane Taylor).
