Се појави ненадејно, без многу најавување, проширена (deluxe) верзија на албумот „Innocente“ на Baby Gang. Во албумот се наоѓаат 21 песна од кои 7 се нови, заедно со ремиксот на веќе постојната песна „Napoletano“. Проширената верзија на албумот „Innocente“ донесе и две нови музички видеа.
Песните „Seconda Generazione“ и „Mocro Mafia“
Песните „Seconda Generazione“ и „Mocro Mafia“ се единствени песни од deluxe верзијата на албумот кои имаат свој видео запис.
Првата песна од албумот која Baby Gang ја објави на својот Јутуб канал е песната „Seconda Generazione“. Песната заедно со својот видео спот е објавена на 6 октомври 2023, неколку дена пред целосното објавување на проширениот албум. Песната за една недела има нешто помалку од 1 милион прегледи на Јутуб.
Песната „Mocro Mafia“ е соработка. Францускиот рапер Маес (Maes) му гостува на Baby Gang во оваа песна. За Baby Gang ова не е прв пат да соработува со француски артист.
Почетокот на песната заено со рефренот се исполнети со вокалите на Маес. Во вториот дел од песната или некој би рекле вториот верс е на Baby Gang. Дел од неговиот текст е на француски јазик кој не е негов мајчин јазик.
Како и другата песна од албумот „Innocente“ така и оваа има видео спот. Видеото наликува на останатите спотови од Baby Gang и е тотално во негов стил.
Останатите песни од албумот
Останатите 6 песни од албумот се објавени на 13 октомври 2023. Тие се достапни на Јутуб каналот на Baby Gang и на платформите за преслушување (streaming) на музика. Освен песните „Seconda Generazione“ и „Schumacher“, сите останати се соработки со други артисти.
Третата песната од албумот „Libertad“ е соработка помеѓу Baby Gang и познатиот шпански артист Морад (Morad). Ова не е нивна прва соработка. Песната „Casablanca“ која ја делат има нешто помалку од 70 милиони преслушувања на Спотифај (Spotify).
Познатиот Симба Ла Руе (Simba La Rue) и Baby Gang кои соработуваа во песната „Banlieue“ повторно се пронајдоа во новата песна „Bentley“ од албумот „Innocente“, но овој пат им се приклучи и италијанецот J Lord. Во албумот се појавува и раперот Јул (Jul) кој е роден во Франција и го држи рекордот за најмногу продадени албуми.
