Скопје, 16 март 2026, Поп-пејачот Давид Темелков (davidtemelkov.com) ќе одржи прв солистички концерт во четврток, 19 март 2026 година во Скопје, во Македонскиот народен театар со почеток од 20 часот.
Концертот носи наслов „Мојата Македонија“, инспириран од неговиот најголем хит кој стана емотивна химна на македонскиот идентитет. Темелков, кој стана популарен во втората сезона на регионалното шоу „Икс Фактор“ во 2015 година, ќе ја прослави својата кариера со нови и класични песни.
Биографија и кариера
Давид Темелков студирал соло пеење на Факултетот за музичка уметност во Скопје, по што се преселил во Хрватска каде често настапува. Во октомври 2025 го промовирал синглот „Слушај животот штом диктира“, со кој го најавил вториот студиски албум во кантавторски стил. Песните на Давид Темелков се достапни на платформата за преслушување музика, Спотифај (Spotify).
За да го запознаете Давид Темелков, наша препорака е првата епизодата од седмата сезона на подкастот Биди Свој, објавен на 1 јануари 2026.
Детали за настан
Овој настан е прв од ваков вид во Македонија и знак на поврзување со родниот град.
Билетите се достапни преку tix.mk, каде што веќе започнала продажбата. Билетите чинат од 1.200 до 1.500 денари. Концертот ветува лична исповед и прослава на музичкиот пат на Темелков.
Фановите едвај чекаат да ги слушнат хитовите во живо, особено „Мојата Македонија“. Не пропуштајте ја оваа посебна вечер во МНТ!
