Македонско-британското дуо YOVA во состав Јова Радевска (вокал) и Марк Вернон (гитара, пијано и повеќе различни инструменти) на 25 октомври 2023 (среда) настапи во лондонскиот паб Трубадур (Troubadour). Настапот во Трубадур е многу повеќе од обичен музички настап во локал. Публиката која доаѓа е исклучително музички писмена и често има претставници од индустријата.
Ја контактиравме Јова да сподели дели од искуството за настапот на оваа митска локацијата и секако да ни раскаже каква беше атмосферата на свирката.
„Настанот помина многу добро, со супер озвучување и посетеност. Многу сме задоволни, BJ Cole беше во публика, тој понекогаш настапува и со нас на сцена“.
вели Јова Радевска
На сцената во Трубадур покрај Јова и Марк настапи и Алекс Томас (Alex Thomas). Заедно со YOVA истата вечер настапија и Лео Волрус (Leo Walrus) и Ти Џеј Овусо (ТЈ Owuso). Ова беше прв пат групата да го отсвири својот актуелен сингл The Dreamcatchers.
Пабот Трубадур (Troubadour ) е легендарно место и во него настапувале најголемите музички имиња Paul Simon (Пол Сајмон), Bob Dylan (Боб Дилан) и Jimi Hendrix (Џими Хендрикс). Пабот е познат потоа што е им дава можност и на новите музичари. Своите први настапи во Велика Британија ги имаа во Troubadour. Тука настапуваа и музичари како Chemical Brothers, Adele (Адел), Florence and the Machine, Ед Ширан (Ed Sheeran) и Hozier.
По настапот во пабот Трубадур YOVA се подготвува за Daylight Music
Следен настап на YOVA е на Daylight Music во ноември. На сцената на Daylight Music фестивалот со YOVA ќе настапат и Алекс Томас (Alex Thomas) и Тери Едвардс (Terry Edwards). Daylight Music е серија на концерти кои вообичаено се одржуваат во сабота попладне. Наменети се за сите возрасти, и карактеристично за нив е што влезниците немаат зацртана цена, туку за нив важи „плати-колку-можеш“.
Нашиот следен настап е на 18 ноември 2023, на настанот Daylight Music и е дел од EFG London Jazz Festival.
Настанот е дел од EFG London Jazz Festival. На џез фестивалот ќе настапат и Емели Санде (Emeli Sande), Маркус Милер (Marcus Miller) и Камила Џорџ (Camilla George), Чарлс Ллојд Оушн Трио (Charles Lloyd Ocean Trio) и Мете Хенриет (Mette Henriette) и Нора Џонс (Norah Jones). Покрај настапите на овие најголеми ѕвезди на фестивалот ќе има можност и за уште многу нова и свежа музика. Џез фестивалот трае 10 дена. Започнува на 10 ноември 2023 и ќе трае до 19 ноември. Покрај настапите во живо има многу соработки, можности за откривање на нови исклучителни музички таленти.
Покрај подготпвките за настапи во живо, YOVA работат на својот нов албум. Со синглот Dreamcatcher веќе го најавија албумот кој ако нема промени треба да официјално да излезе на почетокот на 2024 година.
