„Goodfellas“ e сингл од босанските рапери и продуценти Јала Брат (Jala Brat) и Буба Корели (Buba Corelli). Синглот е издаден на 18 јули 2023 година и е насловна песна од истоимениот албум.
Музиката и текстот на песната „Goodfellas“ се на Јала Брат и Буба Корели. Аранжманот е на FT Kings, а аудиомиксот и мастерингот се на Амар Карахасановиќ (Amar Karahasanović). Покрај музичкиот дел Јала и Буба „замешаа прсти“ и во видеото. Продукцијата на видеото за песната е нивна, а сценариото и режијата се на Арнеј Мисирлиќ (Arnej Misirlić).
На албумот „Goodfellas“ од Јала Брат и Буба Корели гостуваат повеќе музичари. Дел од нив се „Baby it’s Pablo“, „Baby Gang“, „RAF Camora“, „Hava“ и многу други.
Јала Брат е сценско име на босанскиот рапер, композитор и продуцент Јасмин Фазлиќ (Jasmin Fazlić). Познат е по соработките со музичарот и продуцент Амар „Buba Corelli“ Хоџиќ (Amar Hodžić) со кој соработува и на оваа песна.
