„Qa Bone“ (Што направи) е нов музички проект на пејачката Туна. Песната и видеото ја имаа својата промоција на 30 август 2023.
Обожавателите на музиката на Туна на крајот на август 2023 добија нов музички „деликатес“. „Qa Bone“ е динамична и заразна песна што без сомневање ќе им се допадне на љубителите на музиката на скопската пејачка. Одличниот вокал на Туна и заразниот ритам ја прават песната одличен додаток во секоја летна поп-денс плејлиста.
Алтуна Сејди (Altuna Sejdiu) – Туна е позната по својот моќен вокал и сценскиот настап. Во последните неколку години е една од најпопуларните, ако не и најпопуларна поп-пејачка која пее на албански јазик.
Продукцијата на песната е на Big Deal Records, а музиката и текстот се на Лум Дакај (Lum Dakaj). Ова не е нивна прва заедничка соработка, Туна и Лум соработуваа и на „I Huj“.
Претходната песна „I Huj“ Туна ја издаде на 27 април 2023. Нa траката соработуваше со поранешното момче Cozman.
