„Angry“ (Лути) е првиот сингл од новиот албум на легендарната рок-група Ролингстонс (Rolling Stones). Промоцијата беше на 6 септември, а песната „Angry“ веднаш си доби и видео. Синглот на прес конференција го најавија Мик Џегер (Mick Jagger), Кит Ричардс (Keith Richards) и Рони Вуд (Ronnie Wood). Почесен член на Стонси за оваа пригода е актерката Сиднеј Свини која се прослави во серијата Euphoria.
„Не знаев дека ќе биде прв сингл, но ја засакав песната штом ја слушнав. Постојано ми се врти во глава“
вели актерката
Албумот „Hackney Diamonds“ беше најавен на официјалната страница со тајмер кој истече на 6 септември. Новиот албум на групата официјално излегува на 20 октомври. Ова е прв албум кој групата ќе го издаде без тапанарот Чарли Вотс (Charlie Watts) кој почина пред неколку години..
Албумот веќе е достапен во претпродажба. Повеќе информации се достапни на официјалната страница.
