Каролина Гочева, Бранислав Николов и Дуке Бојаџиев ја претставија својата нова песна „Крв да ни се стори“. Песната е објавена и достапна за преслушување на YouTube.
Музиката и текстот се на Бранислав Николов, аранжманот и продукцијата се на Дуке Бојаџиев. Песната е снимена во Студио Скопје на Дуке Бојаџиев и во студиото Алшар на Ивица Јанкуловски.
Како инструменталисти во реализација на ова музичко издание учествуваат: Трајко Симоновски-Таци, бас-гитара; Мартина Баракоска, тапани; Мартин Џорлев, гитара; Владимир Крстев, виолина. Дуке Бојаџиев учествува на изданието како клавијатури и ударани инструменти.
Аудиомиксот и мастерингот се на Ивица Јанкуловски, кој е и тонски снимател на изданието.
Во најавата за „Крв да ни се стори“ на социјалната мрежа Фејсбук, Каролина напиша:
Некогаш, од неврзан „битолски“ муабет во dm може да се роди нешто баш убаво…
Крв да ни се стори е танц на копнеење во двојка… од првиот, срамежлив чекор облеан во топлото есенско сонце, до вртоглавиот вител потопен во безумното вечерно вино.
Ова не е прва заедничка песна на Каролина Гочева и Дуке Бојаџиев.
Досега соработувале на неколку синглови. „Идила“ и „Зборови немам“ се резултатот на оваа соработка.
Текстот е преземен од новинската агенција Мета.МК. Првата објава на овој текст е достапна овде.
