ВБУ Музички регистар е официјално мртов

По речиси цела година неактивност, во 2024 година, на 4 јануари 2024 веб-сајтот на ВБУ Музички регистар престана да биде видлив. Сајтот беше достапен за јавноста повеќе од 10 години (2013-2024) преку доменот www.muzichkiregistar.com и www.muzichkiregistar.mk.

Преку затворање на веб-сајтот на Регистарот и официјално се затвора едно, за мене како основач, интересно патување во кое се вградуваа многу добри сензации, неочекувани ситуации и непријатни искуства. Во 2024 година основниот тим на чело со мене како основач на оваа иницијатива, не смогна сили за продолжување со активна работа да го одржува Регистарот.

Од денес, 4 јануари 2025 кога веќе престанува да биде видлив веб-сајтот на ВБУ Музички регистар и кога официјално Регистарот станува минато, домените muzichkiregistar.mk и muzichkiregistar.com што водеа до веб-сајтот на ВБУ Музички регистар пренасочуваат до веб-сајтот на Музика нонстоп денес, што исто така како Регистарот, има за цел да ги раскажува и приказните за домашната музика.

Кратко за ВБУ Музички регистар

ВБУ Музички регистар беше иницијатива за раскажување на приказните за македонската музика. Од евидентирање на основните технички податоци за музичките изданија преку кои се градеше неформален регистар за нив, преку создадени написи за музички настани, состојби, статистички извештаи, интервјуа, дигитализирање на музички написи од стари печатени медиуми и раскажани приказни за македонската музика до поддршка на трети проекти поврзани со македонската музика.

Во ВБУ Музички регистар проциркулираа повеќе луѓе. Од сите нив, најдолг период со оперативни активности и директен придонес партиципираа четворица луѓе (актуелното јадро): (од лево на десно) Дејан Соколоски, Марјан Доказа, Васил Буралиев (основач) и Златко Ангелески.

Принципот на работа беше: работи секој колку сака, кога сака и на што сака. Се разбира, овој модел се менуваше во зависност од прифатените обврски кон трети субјекти. Тоа е сценарио во кое членови на јадрото превземале обврска кон трети субјекти, односно се обврзале дека ќе испорачаат одредена вредност. На пример, последна таква обврска беше кон Министерството за Култура што заврши со завршувањето на 2023 година. Се обврзавме дека ќе дигитализираме 300 написи (вкупно 600 во Архивата) од стари печатени медиуми и ќе ги овозможиме за јавноста во истата година.

Компоненти на ВБУ Музички регистар

Регистарот е иницијатива што интегрираше повеќе компоненти. Следењето на македонските музички изданија и нивно евидентирање за градење не-официјален регистар беше иницијална и носечка компонента. Креирањето дополнителни содржини околу и за нив беше значаен дел од Регистарот.

Основни компоненти/проекти/работни стримови на иницијативата се:

1. Регистарот на музички изданија и објави од домашната продукција,
2. Написи во различен формат (интервјуа, колумни, вести, извештаи, анализи).
3. Календар со музички настани поврзани со домашната (во најголем процент) авторска музика. Во календарот се евидентирани 1.328 настани (доминантно активен: Марјан Доказа).
4. Архива со дигитализирани и класифицирани написи од стари печатени медиуми, се разбира повторно поврзани со македонската музика. Дигитализирани се 967 написи од 54 печатени изданија објавувани во период од 1946 до 2019 година (доминантно активен: Златко Ангелески)
5. Фотостории (доминантно активни: Марјан Доказа, Васил Буралиев) 

Други проекти и активности

Во период од 10 години (од 2013 до 2023) активност, ВБУ Музички регистар еволуираше и се развиваше преку различни проекти. Некои траеле по неколку недели, а на некои од нив векот им се брои во години. Списокот брои десетици проекти под знамето на Регистарот. Во оваа прилика ги издвојувам следниве:

• Месечен билтен (Newsletter)
  24 месеци во 2021 и 2022 година беше подготвуван месечен билтен со последните и одбрани информации за изминатиот месец во кој имаше и сумарни извештаи за домашната музичка продукција во месецот. Билтенот беше испраќан на електронските адреси (email) на повеќе од 500 претставници на медиумите и поединци кои доброволно се пријавиле за примање на месечниот билтен.
• Месечен ТОП 10
  Беа креирани 18 месечни ТОП 10 листи со песни објавени во месецот на кој се однесуваше топ листата. Последната топ листа беше објавена за декември 2022 кога ТОП 10 листата и месечниот билтен престанаа да се креираат.
• Аудио стриминг канал со хип-хоп музика
  Една од иницијативите беше и интернет канал за преслушување музика, популарно наречено интернет радио, преку кој имаше можност да се слуша хип-хоп музика од домашната продукција. Каналот функционираше околу 2 години и можеше да се слуша музика преку било кој уред што поддржува интернет прелистувач (Internet browser). Преку аудио каналот можеше да се слуша музика на мобилен телефон и со изгасен екрај, функција што денес ја има Spotify и комерцијалниот сервис на YouTube Music.
• Веб-сајт за изведувач
  Беа креирани 6 пилот веб страници (single page website) за Нокаут, Страјк, Кабадајас, Фолтин и 2 Бона. Целта беше да се групираат информациите за изведувачите што во различен формат и во различните рубрики ги прибираше и објавуваше Регистарот, олицетворени во модерен дизјан за мобилни уреди. Идејата беше ова да биде веб сајт за секој изведувач за кој регистарот прибира информации чија содржина ќе се ажурира автоматски од податоците и информациите на Регистарот.
• Музички новости за Meta.mk
  Дел од тимот на Регистарот во 2021 година креиаше кратки информативни бести за нови домашни музички изданија за порталот Мета.мк.
• API (Application Programming Interface)
  Оваа текничка компонента е слој од архитектурата на техничкото решение што дозволува превземање на податоци од базата на Регистарот од други електронски системи (софтверски решенија). На овој начин овозможено беше автоматско превземање на податоци од Регистарот и нивно понатамошно користење во друго софтверско решение.
• Механизам за пребарување и филтрирање
  Едноставни функционалности што овозможуваа пребарување на податоците што ги акумулирал Регистарот.
• Учество во публикацијата „Макстат избор“ на Државниот завод за статистика
  Две години (2021, 2022) учество преку споделување сумарни податоци (статистички показатели) за домашната музичка продукција во годишната публикација на Државен завод за статистика „Макстат избор“.
• Финансиска поддршка на трети проекти
  „Македонска Рок Енциклопедија“ од Тошо Филиповски; ЦД издание на третиот албум на Страјк, „Низ мојот живот“. ЦД издание на албумот „Балканизам“, музичката програма на „Grand Vin 2022“. 
• Фотографии од претставници на македонската музичка сцена
  Фотографии од македонски музичкати за слободно користење (под Creative Common (CC) лиценца) достапни за преземање преку Фликр (Flickr)
• Пракса за млади луѓе кои
  Преку придонесувајќи за Регистарот на различен начин, успеале да стекнат работно и волонтерско искуство.
• Видео серијал
  Го креиравме видео серијалот „10 прашања со…“ од 9 епизоди со хип-хоп изведувачи кои одговорија на десетте наши прашања.
• ВБУ Музички регистар во ХЕМИ Инкубатор програмата
  Во 2023 година ВБУ Музички регистар учестуваше како дел од одбраните идеи/стартапи на програмата ХЕМИ Инкубатор (HEMI Incubator).
• Публикација „Ретроспектива Макфест 1986“
  Проект преку кој се креираше публикација за првото издание на Макфест издадено во 1986 година.

Зошто Регистарот престанува да работи?

Поради две основни причини:

1. Намалување на ентузијазмот и желбата да се следи македонската музичката, дополнително стимулирано од чинителите на музичкиот живот во друштвото.
2. неуспех во обидот да се најде деловен (бизнис) модел што ќе обезбеди континуирани активности што нема да се базираат на волонтерство и ќе ја одржи динамиката на активностите на создавање соджина и активно следење на животот поврзан со македонската музика.

Основната цел беше ентузиазмот на основниот тим на ВБУ Музички регистар, вклучително и мојот, да го заѕидаме со помош на редовен приход на бонови од Народната банка со што ќе можеше да се ангажираат луѓе што ќе го работат тоа како професионалци 40 часа во неделата. Со таа цел, аплициравме два пристапа:

• Првиот пристап беше моделот со донации, кој беше отворен нешто повеќе од 2 години.
• Вториот пристап беше понуда на комерцијална услуга што беше понудена во втората половина на 2023. 

И двата пристапа беа неуспешни – не ја постигнаа главната цел.

Мојата проценка е дека не понудивме доволно голема вредност љубителите на музиката, ентузијастите, професионалците па и релевантните претставници од јавниот сектор да си брцнат во џепот. Во изминатите години добивме голема вербална поддршка, пофални и убави зборови за она што го создававме/создаваме. Но единственото гориво за одржливост и уште повеќе за развој и раст што ќе го надомести ентузијазмот кога тој ќе се намали во модерниот свет се парите. 

Во период од ноември 2022 до одреден момент во 2023 активностите се намалуваа но со ажурно полнење на архивата со написи со цел да се исполнат обврските кон Министерството за култура во 2023, до моментот на комплетно запирање со креирање/евидентирање нова содржина во еден момент во 2024 година.

Денес, 29 декември 2024 година веб сајтот на ВБУ Музички регистар престанува да биде видлив.

Луѓето што се вградија во ВБУ Музички регистар

Покрај основнио тим на Регистарот (јадрото), на различен начин во период од 10 години повеќе луѓе и правни субјекти придонесоа за градењето и развојот на Регистарот. Секој од нив заслужува јавна благодарност. Во ова воведно заглавие посветено на сите оние што се вградија како поддржувачи на идејата би го спомнал Министерството за култура кое 3 години одвои средства што придонесоа во одржувањето на регистарот во тие години.

Проширен тим

Емилија Буралиев, Тони Спасовски, Бојан Перевски, Максим Буралиев, Арсениј Ангелески, Славчо Ковилоски, Исидора Ангелеска, Ива Зафировска.

Пријатели

Биланс на креирани содржини

Музички изданија

Во периодот на активност на музички регистар (10 години) евидентирани се податоци за:

• 12.145 музички изданија (синглови, албуми, музички компилации и проширени изданија (EP)
• 7.671 изведувачи (соло изведувачи, бендови и музички групи)
• 15.306 учесници (физички лица, луѓе што учествувале во реализација на музичките изданија, како што се вокалистите, инструменталистите, продуцентите, текстописците и сите останати личности што учествувале во создавање (автори) и снимањето на музичките изданија)
• 45.358 песни (фонограми)
• 833 издавачи (во контекст на ВБУ Музички регистар издавач може да биде и YouTube канал преку кој се овозможува јавно преслушување на музичка содржина, песна.

Написи

Беа креирани 2.523 написи што ги раскажуваа приказните за македонската музика.

• Колумни: 12
• Интервјуа: 47
• Настани: 1.328
• Вести: 37
• ВБУМР ТОП 10: 18
• Растежот на хип хопот: 6
• Архива на написи од стари печатени медиуми: 967
• Фотостории: 108

Сеќавања

Основниот тим на ВБУ Музички регистар – Годишна средба 2019, Отешево (Преспа)

Анета Перевска, одговорна за првите написи објавени во порталите за ВБУ Музички регистар. Бојан Перески – поддржувачи и гласноговорник на иницијативата ВБУ Музички регистар

Новогодишна средба на членовите на проширениот тим и пријателите. – декември 2022

Членовите на Регистарот, неговиот проширен тим и пријателите имаа редовни средби на кои се дискутираа идеи за развојот на Регистарот. (од лево на десно: Тони Спасовски – креаторот на видео серијалот „10 прашања со…“, Марјан Доказа, Васил Карев, Васил Буралиев) – март 2020

Васил Буралиев и Марија Доказа на работна сесија за изработка на веб страна за изведувач. – март 2019

Редовна средба во канцеларијата на ВБУ Консалтинг (од лево на десно: Васил Буралиев, Марјан Доказа, Дејан Соколоски, Горан Атанасовски – графичкиот дизајнер на последното лого на ВБУ Музички регистар)

Емилија Буралиев (првиот активен член на тимот на Регистарот кој евидентираше неколку стотина музички изданија) и Васил Буралиев со третиот дизајн отпечатен на маици. Дизајнот на маиците е на Марјан Николовски.

Васил Бурлаиев и Марјан Доказа во Кочани на претставување на Регистарот во рамките на настан во организација на Тошо Филиповски за промоција на неколку публикации.

Кај дел од изведувачите беше препознаена вредноста што ја носеше ВБУ Музички регистар. Мијата е една од оние што јавно го изразуваше нејзиното резонирање со визијата и активностите на ВБУ Музички регистар.

Дискусија за омилените музички теми со Тошо Филиповски во Кочани. (од лево на десно) Тошо Филиповски – поддржувач на иницијативата ВБУ Музички регистар, Марјан Доказа, Васил Буралиев)

Југотон 1/2 помогнаа во обезбедување касетни музички изданија што ги евидентиравме во Регистарот (од десно на лево: Симе, Васил Буралиев)

Од снимањето на краткиот видео прилог за ВБУ Музички регистар од продукцијата на Види Вака.

Презентација на новиот изглед на веб-сајтот на ВБУ Музички регистар подготвен од тимот на Emit Knowledge, што за жал не беше пуштен во продукција.

Повеќе различни медиуми информираа за постоењето и активностите на ВБУ Музички регистар. Каролина Мицевска по интервјуирање на Златко Ангелески (член на јадрото на Регистарот) напиша напис за Регистарот што беше објавен во Нова Македонија.

Еден од најпосетуваните македонски портали оff.net.mk го прогласи ВБУ Музички регистар за веб-сајт на денот.

Влијанието на ВБУ Музички регистар во промоцијата на македонската музика, нејзините создавачи и изведувачи некогаш достигнуваше трендовски статуси на популарните социјални мрежи.

Вредноста на ВБУ Музички регистар беше препознаена од релевантни личности што беа и се дел од музичкиот живот на македонското друштво. Една од нив е и Александра Јовановска – МРТ.

ВБУ Музички регистар беше еден од субјектите кои доби признание во писмена форма од Младискиот културен центар по повод педесет годишнината од неговото постоење.

Дел од фановите на музиката, ентузијастите и учесниците во музичкиот живот препознаваа вредност во иницијативата ВБУ Музички регистар.

Уште една вљубеничка во македонската култура и македонската музика, Ирена Трајковски која во различна форма ја поддржуваше иницијативата ВБУ Музички регистар.

Тимот на Реистарот ја следеше македонската музика и преку статистички индикатори.

Дел од резултатите на интересните аналиузи и визуелизацја на податоците. Илустрацијата ги претставува најкористените зборови во називот на песните објавени во 2022 година.

Мониторинг на посетеноста на веб-сајтот на ВБУ Музички регистар во реално време.

ВБУ Музички регистар беше пријател на СОС Детско Село и преку месечни претплати. Една година набавивме новогодишни честитки и украси брендирани со ознаките на регистарот изработени од СОС Детско село кои беа испратени до над 50 пријатели на ВБУ Музички регистар. Илустрацијата на честитката е од македонскиот ликовен уметни Ване Костуранов.

Еден од проектите бешпе и месечниот ВБУ ТОП 10 кој се изготвуваше 18 месеци, во кој се одбираа 10 песни од новите објавни песни во месецот на кој се однесуваше листата. Проширениот тим (од 5 до 8 луѓе) на ВБУ Музички регистар со бодување ја креираа ВБУ ТОП 10 за месецот. Овој проект беше проследен и со повик до останатиу медиуми што ја третираа македонската музика за создавање национална топ листа во која ќе учествуваат повеќе медиуми. Овој дел од проектот немаше комплетна реализација.

ВБУ Музички регистар имаше различни иницијативи во интерес на македонската музичка култура и македонската музичка индустрија. Овој повики се однесуваше на сеопфатно прибирање на информации за македонските музички изданија за 2019, 2020 и 2021 со цел да се обезбедат сеопфатни податоци за Дравниот завод за статистика и неговата Публикација „Макстат избор“

Работна верзија од новиот изглед на веб сајтот на ВБУ Музички регистар што не смогнавме сили да го комплетираме за да го пуштиме во живо.

Планиравме подкаст што во рамките на ВБУ Музички регистар не го реализиравме

Со цел за промоција на идејата низ годините беа правени различни рекламни материјали вклучително и 3 различни дијајни на маици. На фотографијата се примероци од првиот дизајн отпечатен на маици.

ВБУ Музички регистар купи 20 примероци од монографијата за Мизар од Тошо Филиповски. Доби почерсно место во оваа книга.

ВБУ Музички регистар даваше поддршка на трети музички проекти што ја промовираа домашната музичка култура. Еден од овие проекти е и третиот албум на хип-хоп артистот Страјк, „Низ мојот живот“

ВБУ Музички регистар беше релевантен извор на податоци и информации за трети субјекти, проекти и публикации. Еден од нив е и книгата „Историја на македонската популарна музика“ од Јулијана Папазова и Елени Новаковска.

За ВБУ Музички регистар на трети медиуми